Կամավորական Գործունեության Խթանումը Հայաստանում
ԺՆԵԿ-ը գտնում է, որ կամավորականությունը հանդիսանում է երկրում աղքատության
նվազեցման, կայուն զարգացման, առողջապահության, աղետների կանխարգելման, տարերային
աղետներին արձագանքման և սոցիալական ինտեգրացիայի, ինչպես նաև սոցիալական մեկուսացման
և խտրականության հաղթահարմանն ուղղված ցանկացած ռազմավարության համար կարևորագույն
տարր: Եվ իհարկե կամավորական գործունեությունը, որպես ռեսուրսների ընդլայնման,
կյանքի որակի բարձրացման և հասարակության խնդիրների լուծման լավագույն միջոց,
կարիք ունի որոշակի հասարակական և պետական ռազմավարական մոտեցման:
Ելնելով նշվածից` ԺՆԵԿ-ի առաջնային խնդիրներից է աջակցել կամավորական գործունեության
խթանմանը Հայաստանում, որի համար մենք շարունակելու ենք աշխատանքները` միասնաբար
հանդես գալով Հայաստանյան այն ՀԿ-ների հետ, որոնց մասնակցությամբ և ՊՀՔՀ կազմակերպության
նախաձեռնությամբ մշակված Կամավորական Գործունեության Մասին օրենքի նախագիծը
հետագա զարգացման համար ներկայացվել է Աշխատանքի և Սոցիալական հարցերով նախարարությանը:
Աշխատանքներ ենք նաև ծավալելու ուղղված լայն հասարակության ներգրավմանը կամավորական
գործունեության մեջ` նպատակ ունենալով լուծել հանրային բնույթի խնդիրներ:
Եթե Դուք ցանկանում եք Ձեր ներդրումն ունենալ կամավորականության խթանմանը
Հայաստանում, ապա մենք ուրախ կլինենք համագործակցել Ձեր հետ: