«Ժողովրդավարական Նախաձեռնությունների Երիտասարդական Կենտրոնը» (ԺՆԵԿ), ոչ առևտրային, ոչ կառավարական, անկախ կազմակերպություն է, որը «Հասարակական կազմակերպությունների մասին» ՀՀ օրենքով սահմանված կարգով գրանցված է ՀՀ ԱՆ պետական ռեգիստրի կենտրոնական մարմնի կողմից: ԺՆԵԿ-ի կենտրոնական գրասենյակը գտնվում է ՀՀ, Լոռու մարզի Վանաձոր քաղաքում:

«Ժողովրդավարական Նախաձեռնությունների Երիտասարդական Կենտրոն» ՀԿ-ն երիտասարդ մարդկանց կամավոր միավորում է, որոնք ընդունում են «ԺՆԵԿ» ՀԿ-ի կողմից որդեգրած արժեքները և պատրաստ են իրենց ներուժն ու ջանքերը կամավոր ներդնելու այդ արժեքների տարածման և կազմակերպության առաքելության իրագործման համար:

Առաքելություն
Երիտասարդության ակտիվացման միջոցով` աջակցել Հայաստանում մարդկային զարգացմանը նպաստող քաղաքացիական հասարակության և ժողովրդավարական պետության կայացման գործընթացներին:

Տեսլական
Երկրի անցյալի, ներկայի և ապագայի նկատմամբ գործնական հոգածություն դրսևորող քաղաքացիներ:

Հիմնական արժեքները
Առաքելության իրականացման ընթացքում իր գործունեությունը ծավալելիս ԺՆԵԿ ՀԿ-ն առաջնորդվում է հետևյալ արժեքներով`

• Սկզբունքայնություն
  Դրսևորվում է ՀԿ-ի կողմից որդեգրած գաղափարներին նվիրվելու և հավատարիմ մնալու մեջ:
  
  
• Արդարություն
  Կայանում է չվնասելու սկզբունքով առաջնորդվելու և ազնվաբար գործելու մեջ:
  
  
• Հետևողականություն
  Ենթադրում է տրամաբանական ու փոխկապակցված գործողությունների շարք ՀԿ-ի բոլոր նախաձեռնություններում:
  
  
• Ժողովրդավարություն
  Ժողովրդավարությունը հանդիսանում է ինչպես ՀԿ-ի գործունեության սկզբունք, այնպես էլ հինմական արժեք, որով այն առաջնորդվում է: Որպես արժեք` ՀԿ-ն կարևորում է ժողովրդավարության զարգացումը Հայաստանում և դրան նպաստող ինստիտուտների հզորացումը: Որպես գործունեության սկզբունք` ՀԿ-ն կարևորում է բազմակարծությունը և հարգում խոսքի ազատությունը:
  
  
• Մասնակցայնություն
  Մասնակցայնությունը անդամության, շահառուների, շահագրգիռ կողմերի ակտիվ մասնակցության ապահովումն է ինչպես որոշումների կայացմանը, այնպես էլ դրանց իրականացմանը:
  
  
• Թափանցիկություն
  Թափանցիկությունը ՀԿ-ի բաց լինելն է հասարակության առջև: ԺՆԵԿ ՀԿ-ն որդեգրել է թափանցիկության սկզբունքը` բոլոր տիպի գործունեության և իրականացվող ծրագրերի համար:
  
  

ԺՆԵԿ ՀԿ-ի հիմնական նպատակներն են`

• Ժողովրդավարական ինստիտուտների կայացում քաղաքացիական նախաձեռնությունների աջակցման միջոցով,
• Համայնքային ու համապետական նշանակության որոշումների կայացման գործընթացներին երիտասարդության եւ հասարակության լայն շերտերի մասնակցության ապահովում,
• Քաղաքացիական վերահսկողության մեխանիզմների մշակում եւ կիրարկում հանրային քաղաքականության իրականացման նկատմամբ,
• Երիտասարդության մտավոր, հոգեւոր եւ ֆիզիկական զարգացում,

ԺՆԵԿ-ի խնդիրերն են`

• Ժողովրդավարական և քաղաքացիական նախաձեռնությունների աջակցություն բոլոր բնագավառներում,
• Երիտասարդ իրավապաշտպանների և քաղաքացիական ակտիվիստների նոր սերնդի ձևավորում,
• Քաղաքացիական վերահսկողության նոր մեթոդների մշակում,
• Մարդու իրավունքների և հիմնարար ազատությունների պաշտպանության հասարակական արդյունավետ միջոցների զարգացում,
• Հասարակական սեկտորի հեղինակության և գործունեության արդյունավետության բարձրացում,
• Հասարակության քաղաքացիական ակտիվության բարձրացում` քաղաքացիական հասարակության և ժողովրդավարության վերաբերյալ գիտելիքների տարածման միջոցով,
• Մարդու իրավունքների և միջմշակութային կրթության զարգացում,
• Աջակցություն երիտասարդության մտավոր, հոգևոր և ֆիզիկական զարգացմանն ուղղված նախաձեռնություններին,
• Երիտասարդության քաղաքացիական ակտիվության բարձրացում` հիմնվելով քաղաքացիական հասարակության և ժողովրդավարության սկզբունքների վրա, գործելով ազգային և միջազգային մակարդակներում,
• Համայնքներում երիտասարդական միավորումների զարգացման ու համայնքային նշանակության որոշումներին երիտասարդության մասնակցության ապահովում,
• Կամավորության հեղինակության բարձրացում և կամավորական գործունեության զարգացում,
• Երիտասարդական խաղաղարար նախաձեռնությունների զարգացում` ազգային և տարածաշրջանային մակարդակներում:

ԺՆԵԿ-ի գործունեության հիմնական միջոցներն են`

• Իրավապաշտպան ցանցերի ստեղծում և հզորացում,
• Կրթական և ուսումնական դասընթացներ,
• Տեղեկատվական աջակցություն,
• Հասարակական քննարկումներ,
• Հետազոտություններ և ուսումնասիրություններ,
• Քաղաքացիական վերահսկողություն,
• Շահերի պաշտպանություն,
• Իրավունքների և ազատությունների գործնական պաշտպանություն,
• Համագործակցություն ազգային և միջազգային կազմակերպությունների հետ,
• Միջազգային ծրագրերի մշակում և իրականացում,
• Հասարակության իրավագիտակցության բարձրացում: